वीरगञ्ज : अनाधिकृत रुपमा भण्डारण गरि राखिएको अवस्थामा चाईनिज लसुन पर्सा प्रहरी र सश्स्त्र प्रहरीको सँयुक्त टोलीले बरामद गरेको छ।
पर्साको विन्दवासिनी गाउँपालिका–३ झौवा गुठीमा रहेको कुखुरा फर्मबाट टोलीले भन्सार छलि ल्याइएको चाईनिज लसुन बरामद गरेको हो।
चार लाख ८० हजार ६ सय बराबरको एक हजार ७८० केजी लसुन टोलिले बरामद गरेको जिल्ला प्रहरी कार्यालय पर्साले जनाएको छ।
एक सय २ बोरामा रहेको चाईनिज लसुन बरामद भएको हो। यसलाई आवश्यक कारवाहीको लागि वीरगञ्ज भन्सार कार्यालयमा बुझाइएको पर्सा प्रहरीले जानकारी दिएको छ।
