जीतपुर: बाराको जीतपुरसिमरा १७ रघुनाथपुर रामनगरमा जीतपुरसिमरा उपमहानगरपालिका स्तरीय चित्रकला प्रतियोगिता सम्पन्न भएको छ ।
जीतपुरसिमरा उपमहानगरपालिकाको आयोजना र श्रीनेरामाबि रघुनाथपुर रामनगरको समन्वयमा बुधबार उक्त नगरस्तरीय चित्रकला प्रतियोगिता सम्पन्न भएको हो ।
प्रतियोगिता अन्र्तगत कक्षा १ देखि ५ सम्म भएको प्रतियोगितामा श्री नेपाल राष्ट्रिय आधारभुत बिद्यालय नरबस्तीका भिष्मा भण्डारी प्रथम,केयर भिजन ईङ्गलीस बोडिङ्ग स्कुल जीतपुरका आरजु खातुन द्धितीय र राष्ट्रिय बिभुती सामुदायिक शिक्षा सदन डुमरबानाका तेजस्वी मल्ल तेस्रो भएका छन ।
त्यस्तै कक्षा ६ देखि ८ सम्मको प्रतियोगितामा श्री ने.रा.मा.बि. सिमराका कृष्ण गुरो प्रथम, डुमरबाना पब्लिक स्कुलका रंजित लिम्बु द्धितीय र सोहि बिद्यालयका मंजिला भुजेल तृतीय स्थान प्राप्त गरेको सचिवालय ( समन्वय गर्ने ) बिद्यालय श्री नेरामाबि.रघुनाथपुरका प्रअ सुरेन्द्र चौरसियाले बताएका छन ।
प्रतियोगितामा सामुदायिक बिद्यालयतर्फका २१ वटा र संस्थागत बिद्यालय ७ वटा गरी २८ वटा बिद्यालयका ८८ जना बिद्यार्थीहरुको सहभागिता रहेको थियो ।
उत्कृष्ट विद्यार्थीहरुलाई विद्यालय ब्यवस्थापन समितीका अध्यक्ष समेत रहेका वडा नम्बर १७ का वडा अध्यक्ष भिम बहादुर गंतान र प्रअ चौरसियाले पुरस्कार र प्रमाणपत्र बितरण गर्नुभएको थियो ।
प्रतियोगिहरुलाई चित्र बनाउँन १ घण्टा ३० मिनेटको समय प्रदान गरिएको थियो प्रतियोगिताको निर्णायकको भुमिकामा गजेन्द्र भाँट,किशोर श्रेष्ठ र प्रमोद गिरी रहनुभएको थियो ।
कार्यक्रमको सञ्चालन समन्वय गर्ने नेरामावि रघुनाथपुरका सहायक प्रअ अर्जुन प्रसाद पराजुलीले गर्नुभएको थियो ।
