बारा : बाराको कलैयामा एक महिला क्रिकेट खेलाडीलाई सम्मान गरिएको छ।
युथ–१९ एसिया कप तथा युथ–१९ विश्व कपमा छनौट भएकी कलैया४ निवासी महिला क्रिकेट खेलाडी एलिशा यादवलाई सम्मान गरिएको हो।
कलैया उपमहानगरपालिकाका नगर प्रमुख बिनोद प्रसाद साहले शनिबार भरत चोकमा महिला क्रिकेट खेलाडी यादवलाई फूलमाला तथा खादा लगाएर सम्मानित गरेका हुन्।
नगर प्रमुख साहले क्रिकेट खेलाडी यादवले कलैया उपमहानगरपालिकाको सम्मान बढाएकोमा आफु हर्षित भएको बताए।
महिला क्रिकेट खेलाडी यादवलाई नगद सहित सम्मानित गरिने उनले जनाए।
कलैया उपमहानगरपालिका वडा नम्बर १ का निवर्तमान वडा अध्यक्ष हरिओम साह सोनार,कलैया क्रिकेट क्लबका अध्यक्ष तसरुदिन मंसुर,सुभास जयसवाल,शशी दास लगायतको उक्त अवसरमा उपस्थिति थियो।
