कलैया : कोल्हवीमा हात्तीको आक्रमणबाट एक जनाको मृत्यु भएको छ ।
मृत्यु हुनेमा बाराको कोल्हवी नगरपालिका वडा नम्बर २ निवासी अन्दाजी ६३ वर्षीय हस्त बहादुर ठोक्कर रहेको प्रहरीले जनाएको छ ।
घरबाट घाँस काट्न गएको बेला जंगलबाट नफर्केपछि आफन्त र स्थानीयहरुले जंगलमा गई खोजतलास गर्दा जंगली हात्तिको आक्रमणबाट मृत अवस्थामा फेला परेको जिल्ला प्रहरी कार्यालय बाराका प्रवक्ता एवम प्रहरी नायब उपरीक्षक प्रकाश सापकोटाले जानकारी दिएका छन् ।
प्रवक्ता सापकोटाका अनुसार थप अनुसन्धान कार्य भईरहेको तथा शवको मुचुल्का पश्चात पोस्टमार्टमको लागि प्रादेशिक अस्पताल कलैया पठाईएको बताएका छ्न ।
