वीरगञ्ज : वीरगञ्जको छुट्टाछुट्टै दुई स्थानमा ६९ औं प्रहरी दिवसमा शनिबार सम्पन्न भएको रक्तदान कार्यक्रममा ९६ जनाले रक्तदान गरेका छन् ।
जिल्ला प्रहरी कार्यलय पर्साको प्रांगणमा र आदर्शनगरस्थित राणीसती अतिथी सदनमा रक्तदान कार्यक्रम सम्पन्न भएको थियो।
जिल्ला प्रहरी परिसरमा अयोजित कार्यक्रममा तीन महिला सहित ७३ जनाले रक्तदान गरेका थिए । यसैगरि आदर्शनगरस्थित राणीसती अतिथी सदनमा आयोजित रक्तदान कार्यक्रममा २३ जना पुरुषले रक्तदान गरेका थिए ।
कार्यक्रममा सन्जय बैठा,रविन ढुंगेल,रामहरि रिमाल,दिपेन्द्र मल्ल,शीवपुजन महतो,शैलेष साह,बाबुनन्द पटेल लगायतले रक्तदान गरेका थिए ।दुबै कार्यक्रममा रक्त सञ्चार केन्द्र वीरगञ्जका प्राबिधिकहरुले प्राबिधिक सहयोग गरेका थिए ।
