जीतपुर : बाराको बकैया खोलाबाट अबैध रुपमा चोरी निकासी गर्न बालुवा लोड गरिरहेका दुईवटा ट्याक्टर र चालकहरुलाई बन गस्ती टोलीले नियन्त्रणमा लिएको छ ।
विशेष सूचनाको आधारमा तामागढी सब डिभिजन बन कार्यालयलयबाट जमदार सोनालाल कुर्मीको कमाण्डमा खटिएको बन गस्ती टोलीले दुईवटा ट्याक्टर सहित दुई चालकहरुलाई नियन्त्रणमा लिएको हो ।
डिभिजन बन कार्यालय बाराका जमदार नागेन्दर प्रसाद बैठाले दिएको जानकारी अनुसार बालुवा लोड गरीरहेको अवस्था प्रदेश २ ०३ ००१ त १४९४ नम्बरको ट्याक्टर र नम्बर प्रष्ट नभएको ७ त ६१७८ नम्बर मात्र देखिने ट्याक्टर नियन्त्रणमा लिएको जनाएको छ।
नियन्त्रणमा लिएको ट्याक्टरलाई तामागढी सब डिभिजन बन कार्यालयाको प्राङ्गनमा राखिएको र पक्राउ परेका ट्याक्टर चालकहरु निजगढ नगरपालिका वडा नं.९ बस्ने बर्ष १९ को कुनाल थापा र वडा नं.११ बस्ने १९ बर्षिय समिर रन्तेललाई डिभिजन बन कार्यालय बाराको नियन्त्रणमा राखिएको डिभिजन बन अधिकृत राजिव कुमार झाले जानकारी दिएका छन ।
यस सम्बन्धमा थप आवश्यक अनुसन्धान भइरहेको झाले बताए ।