वीरगञ्ज : प्रतिबन्धित गाँजासहित पर्साबाट प्रहरीले एक जनालाई पक्राउ गरेको छ ।
बहुदरमाई नागरपालिका वडा नम्बर ३ पदमौल गम्हरिया बस्ने ३८ वर्षीय रफिक अहमदलाई प्रहरीले पक्राउ गरेको हो ।
आफनै घरमा गाँजा लुकाएर राखेको सूचनाको आधारमा ईलाका प्रहरी कार्यालय पोखरियाको टोलीले जाँच गरेको थियो ।जाँचको क्रममा उनको घरमा प्लास्टिकमा पोका पारी लुकाई राखिएको अवस्थामा १५ किलो गाँजा प्रहरीले बरामद गरेको थियो ।
गाँजा बरामद भएपछि अहमदलाई नियन्त्रणमा लिई लागु औषध सम्बन्धी कसूरमा थप अनुसन्धान भईरहेको पर्साका प्रहरी प्रबक्ता डिएसपी दिपक भारतीले जानकारी दिए ।
