पर्साको ठोरी गाउँपालिकाबाट हात्तीको दारासहित पक्राउ परेका तीनजना जेल चलान भएका छन् ।
हात्तीको दारासहित पर्साको ठोरी गाउँपालिका–४ बाट पक्राउ परेका तीन जनालाई जिल्ला अदालतले पुर्पक्षको लागि जेल चलान गरेको हो ।
पर्साको ठोरी गाउँपालिका–४ बस्ने कुईसन लामा,वीरगञ्ज महानगरपालिका वडा नम्बर २९ मुसौली बस्ने अमिरीलाल महतो वडा नम्बर १४ पिप्रा बस्ने सुकदेव शर्मालाई जिल्ला अदालतले कारागार चलान गरेको हो ।
तीनैजनालाई अदालतको आदेशले पुर्पक्षको लागि थुनामा राख्न आदेश दिएको पर्सा राष्ट्रिय निकुञ्जका सुचना अधिकारी सन्तोष भगतले साझेदारी दैनिकलाई जानकारी दिए ।
गत असार ७ गते पर्साको ठोरी गाउँपालिका–४ बाट दुई थान हात्तीको दारासहित तीन जनालाई प्रहरीले पक्राउ गरेको थियो ।