अवैध रुपमा भन्सार छली ल्याएको भारतीय मल पर्सा प्रहरीले बरामद गरी भन्सारमा बुझाएको छ ।
वीरगञ्ज महानगरपालिका–१६ माईदिया पोखरीस्थित घरमा भण्डारण गरी राखिएको मल बरामद गरेको हो ।
भन्सार छलीका २६ हजार दुई सय ५० मूल्य बराबरको भारतीय मल बरामद गरी आवश्यक कारवाहीको लागि वीरगञ्ज भन्सार कार्यालयमा बुझाइएको पर्साका प्रहरी प्रबक्ता डिएसपी दिपक भारतीले जानकारी दिए ।
यस्तै पर्साको बिन्दबासिनी गााउँपालिकाबाट तस्करी गरी ल्याइएको भारतीय कुखुराको चल्ला प्रहरीले बरामद गरेको छ ।गाउँपालिकाको वडा नम्बर ३ छठीयाघाटस्थित सडकखण्डबाट १३ कार्टुनमा रहेको एक हजार चारसय गोटा चल्ला प्रहरीले बरामद गरेको थियो ।
प्रहरीलाई देखेपछि तस्कर भने फरार भएको प्रहरीले जनाएको छ ।बरामद गरिएको चल्लालाई पशु क्वारेन्टाइन चेक पोष्ट सिर्सियाले नष्ट गरेको पर्सा प्रहरीले जानकारी दिएको छ ।
