वीरगञ्जबाट हार्डवेयर सामानहरु लोड रहेको दुई वटा ट्रक पर्सा प्रहरीले नियन्त्रणमा लिएको छ ।
वीरगञ्जस्थित आईसिपी भन्सार अगाडिबाट जाँच गर्नेक्रममा दुई वटा ट्रक प्रहरीले नियन्त्रणमा लिएको हो ।
जिल्ला प्रहरी कार्यालयबाट खटिएको प्रहरी टोलीले वीरगञ्ज महानगरपालिका २५ स्थित आईसिपी सडक खण्डमा चेकजाँचको क्रममा ना.६ ख ४०५८ र ना.३ ख १८७ नम्बरको ट्रक नियन्त्रणमा लिएको हो ।
प्रहरीले सोमा लोड रहेको एक करोड ८९ लाख ५० हजार छ सय २२ रुपैयाँ बराबरको सामान नियन्त्रणमा लिएको पर्साका प्रहरी प्रबक्ता प्रहरी नायब उपरीक्षक दिपक भारतीले साझेदारी दैनिकलाई जानकारी दिए ।
नियन्त्रणमा लिइएको सामानसहित ट्रकलाई आवश्यक कानुनी प्रकृया पुरा गर्न राजस्व अनुसन्धान कार्यालय पथलैयामा बुझाइएको उनले बताए ।