लगातार परेको अबिरल बर्षाको कारण जीतपुरसिमरा उपमहानगरपालिकाको प्रभाबित क्षेत्रको नगर प्रमुख राजन पौडेलले अनुगमन गरेका छन् ।
शनिबार मनसुनजन्य विपत्बाट उपमहानगरपालिकाको विभिन्न क्षेत्रमा भएको क्षती वा हुन सक्ने सम्भाबित क्षतीको अध्ययन तथा अवलोकन नगर प्रमुख पौडेलले अनुगमनमा गरेका छन् । पानी परेको समयमा छाता ओढेर निस्केका नगर प्रमुख पौडेलले वडा नं.२३,वडा नं.१०,वडा नं.१२,वडा नं.१९,वडा नं.२०,वडा न.२१ को अनुगमन गरेका थिए ।
अनुगमनमा बर्षाले पारेको असर बारे अध्ययन तथा नगरबासीको समस्या बारे जानकारी नगर प्रमुख पौडेलले लिएका थिए । उनले बाढी पहिरोको कारण क्षति भएको घर,सडक,पुल क्षति भएको स्थानमा पुगेर वास्तविक स्थितिको अवस्था बुझेर त्यसका निम्ति योजना बनाउने बताएका छन ।
अनुगमनमा जीतपुरसिमरा नगरउद्योग बाणिज्य संघका अध्यक्ष तथा नगरको बिपत ब्यवस्थापन समितिका सदस्य मोहन शर्मा लामिछानेको पनि उपस्थिती रहेको थियो ।
बर्षाका कारण हालसम्म कुनै मानवीय क्षति नभएपनि जीतपुरसिमरा उपमहानगरका अधिकांश ठाउँहरु जलमग्न भएका छन् । कतिपय घरमा पानी पसेको छ ।
