बाराको जीतपुरसिमरा उपमहानगरपालिकाले नगरभित्रका ९५ जना शिक्षकको दरबन्दी मिलान गरेको छ ।
नगर शिक्षा समितिको बैठकले माध्यमिक तहका ११ जना,निमावि तहका २० र प्रावितहका ६४ जना शिक्षकको दरबन्दी मिलान गरेको हो ।
शिक्षा समितिका संयोजक राजन पौडेलको अध्यक्षतामा बसेको बैठकले सर्वसम्मत रुपमा दरबन्दी मिलानको निर्णय गरेको जीतपुरसिमरा उपमहानगरपालिकाले जनाएको छ ।
गत वर्ष जीतपुरसिमरा उपमहानगरपालिकाले ८४ जना शिक्षकहरुको दरबन्दी मिलान गरेको थियो । शिक्षाको गुणस्तरता बृद्धि गर्ने उदेश्यले उपमहानगरपालिकाले सामुदायिक शिक्षालाई सुधार गर्नतर्फ बिभिन्न क्रियाकलाबहरु गरिरहेको छ ।