रौतहटबाट बाबाको भेषमा लागूऔषध गाँजा लुकाइ राखेको अवस्था एक जना पक्राउ परेका छन् ।
रौतहट प्रहरीले रौतहटको फतुवा बिजयपुर नगरपालिका वडा नम्बर ११ भैसही टोल बस्दै आएका बारा जिल्ला साविक बछनपुर्वा वडा नम्बर ६ स्थायी घर भएका बाबाको भेष लगाउने दयालाल पासवानलाई गाँजा सहित पक्राउ गरेको हो ।
प्रहरीले निज पासवानले आफ्नो घरमा लागुऔषध गाँजा लुकाई छिपाई राखेको भन्न प्राप्त सूचनाको आधारमा प्रहरी टोलीले पासवानको घर खानतलासी गर्दा लुकाई छिपाई राखेको लागु औषध गाँजा १७ किलो ५ सय ग्राम फेला परेको जनाएको छ ।
लागुऔषध गाँजा सहित पक्राउ परेका बाबा पासवानलाई इलाका प्रहरी कार्यालय लक्ष्मिनियामा राखी थप अनुसन्धान कार्य भइरहेको जिल्ला प्रहरी कार्यालय रौतहटले जनाएको छ ।
