तामागढी बचत तथा ऋण सहकारी संस्था कोल्हवीले आफ्नो १६ औं स्थापना दिवसका अवसरमा मंगलवार विस्तारीत मञ्चको आयोजना गरेको छ ।
उक्त विस्तारीत मञ्च कार्यक्रमको संघीय सांसद सांसद एवम् बारा क्षेत्र नम्बर १ का प्रतिनिधि सभा सदस्य अच्युत मैनालीले उद्घाटन गर्नुभएको थियो ।
सो अवसरमा बोल्दै सांसद मैनालीले सहकारी कै मार्फत गरीबी र बेरोजगारी हटाउन सकिने बताएका छन । एकादुई सहकारीहरुले सरकारको अनुदान पचाउने बहानाले रकम हिनामिना गरेको बताउदै सांसद मैनालीले केही गलत व्याक्तिहरुको कारण आज सर्मग्र सहकारी अभियान नै ध्वस्त पार्ने केही तत्वहरु लागि परेको उनको भनाई छ ।
सहकारी संस्थाका अध्यक्ष एकराज आचार्यको अध्यक्षतामा भएको विस्तारीत मञ्च उद्घाटन समारोहमा कोल्हवी नगरपालिका वडा नम्बर १ का वडाअध्यक्ष राजहरण चौधरी, तामागढी ग्रुपका अध्यक्ष युवराज क्षेत्री लगायतकाले शुभकामना मन्तव्य राख्नुभएको थियो ।
कार्यक्रममा स्वागत मन्तव्य सहकारीका उपाध्यक्ष पृथ्वीराज सिवाकोटीले गर्नुभएको थियो भने कार्यक्रमको संचालन संस्थाका सचिव पद्मजंग प्याकुरेललको रहेको थियो ।
सो अवसरमा संस्थाको गतिविधी, निती नियामावली र भावी रणनितीका वारेमा सहकारी संस्थाका मुख्य प्रबन्धक बासुदेव रिमालले सहजीकरण गराएका थिए ।
कार्यक्रममा विभिन्न सेवाकेन्द्र अन्तरगतका सक्रिय शेयर सदस्यहरु, विभिन्न उपसमिति सदस्यहरु गरी करिब एस सय पाचास भन्द बढि सहभागिता रहेको सहकारीले जनाएको छ ।
