बाराको जीतपुरसिमरा १५ सुक्लैया स्थित मेहरसागर आश्रममा श्रीमत्तारतम सागर एवं श्रीमद्भागवत सप्ताह ज्ञानयज्ञ “जागनी महोत्सव २०८०”आज बुधवारदेखी शुरु भएको छ ।
मंसिर २० गते देखि २६ सम्म एक साता संचालन हुने उक्त “जागनी महोत्सव २०८०” को मेहेरसागर आश्रम तथा कृपासिंधुगुरुकुलले आयोजना गरेका हो ।
सो अवसरमा साता व्यापी रुपमा श्रीमद्भागवत महापुराण सप्ताह ज्ञानयज्ञ,श्रीमत्तारतम सागर ब्रह्मवाणीको पाठ पारायण तथा विभिन्न झाँकी एवम सांगीतमय भजनहरु प्रस्तुति गरिने कार्यक्रम छ ।
उक्त जागनी महोत्सवमको श्रीकृष्ण प्रणामी सेवा समिति नेपालको केन्द्रीय धाम श्री नवतनधामका गादिपति श्री १०८ अमृतराज महाराजजीले समुदघाटन गर्नुभएको थियो ।
मेहेरसागर आश्रम तथा कृपासिंधुगुरुकुलका संचालक साहित्याचार्य जनार्दनजी महाराज जी को अध्यक्षतामा भएको औपचारीक उद्घाटन कार्यक्रम हेटौडा,नजरपुर,रौतहट, जिगढ,मधुवन,कलैया,वीरगंज लगायतका संत –महंत विद्वान–विदुषी जन चता धक्तजनको उपस्थिति रहेको थियो ।
श्रीमद्भागभागवत सप्ताह ज्ञानयज्ञको प्रथम दिन बुधवार विहान कलश शोभा यात्रा गरिएको थियो । मेहरसागर आश्रमबाट निकालिएको शोभायात्राले जीतपुरसिमराको वडा नम्बर १४ र वडा नम्बर १५ को विभिन्न वस्तीहरुको परिक्रमा सहित दुधौरा नदीबाट जल लिएर ज्ञानयज्ञ स्थलमा प्रवेश गरिएको मेहेरसागर आश्रम परिवारले जनाएको छ ।
एक साता सम्म संचालन हुने सो “जागनी महोत्सव २०८०” कार्यक्रममा हरेक दिन साहित्याचार्य जनार्दनजी महाराज तथा विदुषी माताजी उषा घिमिरेको मुखार्विंन्दुबाट नियमित संगीतमय श्रीमद्भागवत् कथा एवं वाणी चर्चा हुने जनाईएको छ ।
