सिम्रौनगढ : केही समययता बाराको सिम्रौनगढ नगरपालिकाको कचोर्वा र भगवानपुर गाउमा मोटरसाइकल चोरीको घटना बढेको छ ।
चोर समुहहरुले घरमै राखेको मोटरसाईकलहरु रातिको समयमा चोरी गर्ने गरेको स्थानीयहरुले बताएका छन । राती घरमै राखिएको बाइकको क फुटाएर चोरी गर्ने गरेको एक पिडितले साझेदारी दैनिकलाई बताएका छन ।
चोरीबारे पीडितले प्रहरीमा सोधीखोजीको लागि निवेदन दिएका छन् । मोटरसाईकल चोरीबारे अनुसन्धान भइरहेको सिम्रौनगढ इलाका प्रहरी कार्यालयका प्रहरी निरीक्षक नविन राईले बताएका छन । चोर समुहहरुको खोजी कार्य भईरहेको प्रहरी निरीक्षक राईले बताए ।
यसैविच सिम्रौनगढ नगरपालिका वडा नम्बर ८ कचोर्वाबाट गत सोमवार मध्य राती घर अगाडिबाटै मोटरसाइकल चोरी भएको थियो ।
स्थानीय नेपाल प्रहरीका पूर्व प्रहरी नायब निरीक्षक समेत रहेका अमरबहादुर जैसवारको मोटरसाईकल चोरी भएको हो ।
जैसवारको मधेस प्रदेश ०३–०३० प ४१११ नम्बरको सन् २०२३ मा बनेको १५५ सीसीको यामाहा कम्पनीको कालो रंगको एम टी १५ मोडेलको मोटरसाईकल चोरी भएको हो ।
गत कार्तिक २६ गते सोमवारको मध्य राती बाइकको ह्यान्डिलको लक तोडेर चोरहरुले चोरी लगेको जैसवारले बताए ।
चोरी बारे उनले इलाका प्रहरी कार्यालयका सिम्रौनगढमा निवदेन समेत दिएको जनाएका छन ।
