सिमरा, १९ असोज :” दुव्र्यसन त्यागौँ,सेवा मुखी बनौ,” भन्ने मुल नाराका साथ श्रीकृष्ण प्रणामी युवा परिषद नेपाल मधेश प्रदेश समिति तथा जिल्ला कार्य समिति बाराको आयोजनामा आज बाराको फत्तेपुरमा खुल्ला रक्तदान कार्यक्रम सम्पन्न भएको छ ।
नेपाल रेडक्रस सोसाइटी वीरगंज पर्साको प्राविधिक सहयोग र फत्तेपुर युवा समाजको स्थानीय संयोजनमा भएको उक्त रक्तदान कार्यक्रममा २९ जना पुरुष र एक जना महिला सहित ३० जनाले रक्तदान गरेका थिए ।
उक्त रक्तदान कार्यक्रमको जीतपुरसिमरा उपमहानगरपालिका वडा नम्बर १२ का वडाअध्यक्ष श्यामबावु खाँ ले उद्घाटन गर्नुभएको थियो ।
उद्घाटन समारोहमा वडाअध्यक्ष खाँ,युवा परिषद् नेपाल मधेश प्रदेश समितिका अध्यक्ष दिलप्रसाद तिमल्सिना,उपाध्यक्ष संकलन तिमल्सिना,स्थानीय नेरामाविका विद्यालय व्यवस्थापन समितिका अध्यक्ष,प्रअ,लगायतकाले मन्तव्य राख्नु भएको थियो ।
युवा परिषद् बाराका अध्यक्ष मोहन सापकोटाको अध्यक्षतामा भएको उद्घाटन कार्यक्रममा युवा परिषद् नेपाल मधेश प्रदेश समितिका सचिव उमेश सापकोटाले संचालन र युवा परिषद् बाराका उपाध्यक्ष सन्तोष पाण्डेले स्वागत मन्तव्य राख्नु भएको स्थानीय संयोजनकर्ता सिकेन्द्र सहनीले जानकारी दिएका छन । 
रक्तदान कार्यक्रममा जीतपुरसिमरा उपमहानगरपालिका वडा नम्बर–१२ फत्तेपुर स्थित नेपाल राष्ट्रिय माध्यमिक बिद्यालयको प्राङ्गणमा सम्पन्न भएको हो ।
