रौतहट :ओम प्रकाश यादव/ अभद्र व्यवहार मुद्दाका चार जना फरार प्रतिवादीलाई जिल्ला प्रहारी कार्यालय रौतहटले पक्राउ गरेको छ।
पक्राउ पर्नेहरुमा दिपेन्द्रप्रसाद पटेल,हरिकिशुन साह,शेख रुस्तम र पुजा कुमारी गिरी रहेको जिल्ला प्रहरी कार्यालय रौतहटले जनाएको छ।
पक्राउ परेका उनीहरुको ठेगाना प्रहरीले खुलाउन सकेका छैनन्। जिल्ला प्रहरी कार्यालय गौरबाट खटेको प्रहरी टोलीले जिल्लाको विभिन्न स्थानमा लुकीछिपी बसेको अवस्थामा उनीहरुलाई पक्राउ गरेको हो।
जिल्ला प्रशासन कार्यालय रौतहटबाट अभद्र व्यवहार मुद्दामा वारदात पश्चात फरार रहँदै आएका चारै जनालाई पक्राउ गरी आवश्यक कार्यवाहीका लागि जिल्ला प्रशासन कार्यालय गौरमा प्रहरीले दाखिला गरेको छ।
