कलैया,२१ भदौ । नेपाली नारीहरुको महानपर्व हरितालिका तीज पर्वका अवसरमा बाराको कोल्हवी– ८ नयाँबस्ती स्थित हरियाली पार्कको प्राङ्गणमा आज शुक्रबार तीज विशेष कार्यक्रमको आयोजना गरिएको छ ।
कार्यक्रमको कोल्हवी नगरपालिकाकी नगर उपप्रमुख लक्ष्मी चौधरीले उद्घाटन गर्नुभएको थियो । स्थानीय नागेश्वर महादेव मन्दिर समितिको आयोजना तथा स्थानीय सनराईज युव क्लबको सह– संयोजकमा उक्त तीज विशेष कार्यक्रम संचालन गरिएको हो ।
कार्यक्रम अन्तरगत शुभकामना मन्तव्य,पूजाआजा,सांस्कृतिक कार्यक्रम,नृत्य आदि गरिएको मन्दिर समितिले जनाएको छ ।
उद्घाटन कार्यक्रममा प्रमुख अतिथि समेत रहेकी उपप्रमुख लक्ष्मी चौधरी,करैयामाई गाउँपालिका वडा नम्बर १ का वडाअध्यक्ष सोनालाल,कोल्हवी ८ का निवर्तमान वडाअध्यक्ष सार्थक पौडेल,स्थानीय युवा आङ्छिरीङ लामा लगायतकाले शुभकामना मन्तव्य राख्नु भएको थियो ।
नागेश्वर महादेव मन्दिर समितिका अध्यक्ष नेत्रलाल श्रेष्ठकको अध्यक्षतामा भएको उद्घाटन कार्यक्रममा स्वागत मन्तव्य विष्णुमाया शर्माले र कार्यक्रमको संचालन युवा समाजसेवी किशोर बस्नेतले गर्नुभएको थियो ।
