कटुवा पेस्तोलसहित रौतहट प्रहरीले एक जना पक्राउ परेको छ ।
जिल्लाको गढीमाई नगरपालिकाको वडा नम्बर १ समनपुरका बर्ष ५१ का बिरेन्द्र राउतलाई निजको घरबाट पेस्तोल सहित पक्राउ गरेको जिल्ला प्रहरी कार्यालय रौतहटले जनाएको छ ।
राउतले घरमा कटुवा पेस्तोल लुकाई छिपाई राखेको छ भन्ने बिशेष सुचनाको आधारमा गरुडा प्रहरीबाट गएको टोली निजको घरको आँगनमा खोज तलास गरेको थियो ।
सोही क्रममा झारपातले छोपी लुकाई छिपाई कटुवा पेस्तोल राखेको अवस्थामा प्रहरी टोलीले फेला पारेको थियो । फेला परेको कटुवा पेस्तोल र उनलाई पक्राउ गरी अनुसन्धान कार्य भईरहेको रौतहट प्रहरीले जनाएको छ ।
