बाराको कोल्हवी ८ नयाँवस्तीमा सोमबार नेपाली नारीहरुको महान पर्व हरितालिका तीजको अवसरमा तीज विशेष कार्यक्रमको आयोजना गरिएको छ ।
सांगीतिक कार्यक्रम तथा खुला नृत्य गर्ने गरि आयोजना गरिएको तीज विशेष कार्यक्रमको उद्घाटन कोल्हवी नगरपालिकाकी उपमेयर लक्ष्मी कुमारी चौधरीले उद्घाटन गर्नुभएको थियो । उनले कार्यक्रमलाई सम्बोधन गर्दै महिलाहरुको यो महान चार्डको परम्परा र मौलिकतालाई जौगाउद पर्व मनाउन सवै नारी दिदिबहिनीहरुलाई आग्रह गर्नुभयो । यस्ताखाले संस्कृत र परम्परा जोगाउन विभिन्न पर्वहरुमा कोल्हवी नगरपालिकाले सहयोग गर्दै आएको र आगामी दिनमा पनि सहयोग गर्ने प्रतिबद्धता गर्नुभयो ।
स्थानीय नागेश्वर महादेव मन्दिर समितिको आयोजना तथा स्थानीय सनराईज युव क्लबको समन्वयमा उक्त तीज विशेष कार्यक्रम संचालन गरिएको हो ।
कार्यक्रममा कोल्हवी नगरपालिका वडा नम्बर ८ का निवर्तमान वडाअध्यक्ष सार्थक पौडेल,ईलाका प्रहरी कार्यालय कोल्हवीका प्रमुख भोलामान सिंह अधिकारी,लगायत स्थानीय समाजसेवी देवेन्द्र पराजुली,खेमनारायण सुवेदी लगायतकाले शुभकामना सन्देश दिनुभएको थियो । कार्यक्रमको संचालन सनसाईज क्लबका संस्थापक अध्यक्ष किशोर बस्नेतले गरेका थिए ।
